| Trala morte do rei Arturo houbo un cataclismo... |
 |
 |
 |
|
Di a lenda que, cando o rei Arturo morreu, os ceos cubríronse de tebras, os campos deixaron de ser fértiles e a escuridade estendeuse polo mundo. Pura fantasía? Non. Os científicos acaban de descubrir que a morte do máis famoso cabaleiro da Historia coincidiu cun terrible cataclismo que, efectivamente, sumiu á Terra en período de frío, penumbra e fame. E así o anunciaron no Festival da Ciencia que a Asociación Británica celebra estes días en Londres. A proba de que todo ocorreu tal e como conta o mito atopárona os investigadores nas árbores. Ao estudar minuciosamente os aneis que o paso do tempo deixou nos troncos dos carballos, os científicos puideron establecer que alá polo ano 540 tivo lugar unha catástrofe que fixo que o clima cambiase bruscamente. Ocorre que os aneis correspondentes a esa data mostran un crecemento moi baixo, sinal inequívoco de falta de luz e de frío e, en consecuencia, de malas colleitas e de fame negra. «Debeu de ser un suceso profundamente duro, un catastrófico xiro mediambiental que fixo do ano 540 o principio da Era da Escuridade», sostén Mike Baillie, da Universidade Queens, en Belfast. Conclusión: nunha data próxima á morte do rei Arturo, que os historiadores sitúan entre o ano 537 e o 542, o clima cambiou bruscamente. O que as árbores non din é que ocorreu para que o mundo transformásese nun lugar inhóspito e desolador. Unha das hipóteses baralladas pola científicos culpa do sucedido a un enorme volcán que, ao entrar en erupción, cuspiría ao ceo enormes cantidades de cinzas, tantas que se formou unha nube capaz de cubrir o Sol. Fonte: www.masalladelaciencia.es/ |
Dereitos de autor ©2010 Galizacelta.com